啱啱去完個旅行,去玩都冇乜時間護膚,搞到返到香港塊面生晒粒粒,一返到黎就立即去做個Facial先,保養返啲皮膚呀嘛~今次我就嚟到SKIN 22 CLINIC 做個SILKPEEL3 treatment,係一部美國機尼架,去角質之餘,仲有精華導入,係專for敏感缺水,脆弱皮膚而設嘅機~ 本身我自己嘅皮膚角質層比較厚,如果自己唔勤力啲去角質,就會有好多暗粒,尤其是下巴位比較嚴重,就咁眼睇係睇唔到㗎,但係用手一摸就知道,連美容師都話我塊面睇唔出咁多暗粒😭
SILKPEEL3 有兩個機頭,一個係鑽石磨皮頭,溫和為皮膚趕走30-35微米嘅角質死皮,同事藉着 負壓真空吸力,無痛帶走毛孔入邊嘅黑頭粉刺, 另一個係平頭,係for精華導入,我皮膚比較薄同埋敏感,加埋美容師嘅技術,做完之後都冇事冇敏感,正常係有少少紅,證明都幾溫和,打磨期間都冇乜唔舒服。重點係T字位,比較多黑頭粉刺,做完之後我摸下個皮膚,係滑左嘅✌🏼最明顯係個下巴位啲粒粒都冇咗好多~ 美容師根據返我個皮膚睇下我要用咩精華導入,我就用左三支精華
-(Vitamin C )抗氧同改善暗黃皮膚,強化肌膚屏障,緩和光老化傷害
-(Lumixyl Brightening Serum)治療膚色唔均勻,色素沉澱,老人斑,太陽斑
– (Hydration Serum)淡化細紋,滋潤底層乾燥細胞,鎮靜過敏肌膚
做完個療程之後,美容師俾我睇返支水,嘩~係污糟左好多(本身係好清澈),入邊仲有啲死皮喺度浮下浮下,做完之後返屋企都要full多d保濕mask,等皮膚可以吸收足夠嘅水份,而令到皮膚保持水潤嘅狀態丫~